قراءة موجزة في فضيحة مشاريع بلدية الداخلة المرگوعة التي تنفذ حسب المعايير الدولية!!!؟
قراءة موجزة في فضيحة مشاريع بلدية الداخلة المرگوعة التي تنفذ حسب المعايير الدولية!!!؟
المركز الاطلسي الصحراوي للاعلام و أبحاث مكافحة الفساد و تحليل السياسات
فعلا و كما يقول المثل الشعبي الدارج: "كثرت الهم كضحك"…گاليك اسيدي بلدية الداخلة التي يترأسها حزب أخنوش تنجز مشاريع البنية التحية وفق معايير دولية!!!…واش السي الرئيس كضرب طلة على هاد المشاريع ذات المعايير العالمية!!! سير ضرب دويرة حدا رومبوا ديال ريجنسي تشوف كَودرون مكونباكطي بلاماشين باش يبان بحال البافي مصبغ بالحمر مرقع…
و حتا صباغة الزفت بصباغة ديل الزيت حمرا ديل الكاراجات لجنبات الرومبا لي حدا ريحنسي معيار دولي و من معايير الجودة المعتبرة!!!
سير ضرب دويرا فأحياء الداخلة العميقة و المهمشة و ذات الكثافة السكانية الهائلة..و غادي تشوف كيفاش الناس عايشين وسط النفايات و الازبال…سير ضرب دويرا في شواطئ المدينة و فالحديقة ديال فم بير و غادي تعرف المعايير ديال بصح الي انتوما خدامين عليها…معايير تنمية الازبال و مسابح الواد الحار …معايير تهميش الاحياء الجنوبية و التركيز فقط على شارع الولاء و خط سير الرئيس…
لكن نحمد الله على لسان حال الواقع المخزي و المشوه الذي عجزت أبواغ البلدية من جمهور الحزارا و لحاسين الكابا و الذباب الإعلامي الوسخ و النگافات في دكاكين الصحافة الاسترزاقية، عن تجميله و ستر عيوبه بمساحيق التضليل الإعلامي مدفوع الأجر، كما هو الحال مع صور مدار ساحة الحسن الثاني في حلته الجديدة!!!…شوفو الصياغة كيفاش مبرقعا شي من السما و شي من التراب …غير مجرد صباغة متجانسة و بجودة عالية و مخصصة لهكذا طرقات ما قدو عليها…و مزال كيخرجو عينيهم بالزفيط و لكذوب و العياقا!!!! إنها منجزات كور و عطي للعور بمعايير ميسا كنبس…!!!
