Photostudio 1552753591312 960x480

الساكنة عاقت بالطنر ديال حزيب الإستغلال..ايد تذبح و ايد تسبح…وا الميزانيات فين مشاو!!؟

4f0ef74e a63a 4161 982e 1a0a0ca1acca

المركز الأطلسي الصحراوي للإعلام و أبحاث مكافحة الفساد و تحليل السياسات 

أخي المواطن، أختي المواطنة و يا أيتها الأغلبية الصامتة من ساكنة جهة الداخلة..ردوا بالكم و حسبو حسابكم و بشويا عليكم و شوفو شحال ديال الزبابل تاع الفلوس من ميزانياتكم العمومية و أرزاق وليداتكم اللي حطتها الدولة في حسابات مجلس الجهة الذي يسيره حزب الإستقلال برئاسة رئيسه السابق الخطاط ينجا..و ضاعت على صفقات تافهة و عبثية بحال هذيك حوالي نصف مليار اللي دوزوها فصفقات تزويق مدخل ولاية الجهة و مقر قاعة الإجتماعات!!!!ينما البطالة تنهش شباب الجهة و مجلس الجهة هو اللي عندو الصلاحيات الحصرية و الاموال الضخمة باش يحارب آفة البطالة و يوفر فرص الشغل عن طريق دعم المقاولات و الاستثمارات..

زيد على هذا الشي الحالة الكارثية للمستشفى الجهوي الذي لا يليق بجهة عندها ميزانيات خيالية..لكن رئيس الجهة السابق اللي من حزب الإستقلال مشا خسر 14 مليار و اكررها 14 مليار، باش يبني كلينيك فايف ستار و يمنح التدبير ديالو للإسبان سيكون مخصص للسياح الأجانب الشبعانين و اصحاب الشكارى و رجال الاعمال و لكم ان تتخيلوا شحال غادي تكون التكلفة ديال غير الدخلا بوحدها و قطعا الفقراء و البسطاء و الطبقات المتوسطة لن تستطيع تحمل تكاليفه الباهظة…رغم أن هذيك 14 مليار قادا تبني فالداخلة جوج مستشفيات جهوية عمومية و مجانية لكافة فئات الشعب…ايوا هذا الشي ماشي حشومة و عيب و عار!!

إما البنية التحتية الي كيعيبوها و يعيبو خصمهم و منافسهم الانتخابي رئيس بلدية الداخلة "الجماني"  ..فالسؤال الي بغينا الخطاط ينجا الرئيس السابق لمجلس الجهة و الامر بصرف حوالي 300 مليار دازت في ميزانية الجهة، بشحال دعم المجلس البلدي باش يساعدوا يطور البنيات التحتية و يدير شي حوايج جداد و زوينين لعموم المواطنين…الجواب للاسف الشديد و نتحداوه، هو لا شيئ..و لو درهم واحد!!!! تصوروا يا ساكنة الجهة…بينما فالعيون الي فرعو لينا بيها راسنا  مجلس الجهة ديالهم كيسيرو استقلالي ابن اخ رئيس البلدية ولد الرشيد يعني نفس الحزب و نفس الأسرة و زيتنا فدقيقنا كيف ما كيقول المثل، لذلك دعمت جهة العيون بسخاء كبير و بمشاريع ضخمة بلدية المدينة باش تساعدها فتطوير البنية التحتية…لكن بلدية الداخلة تعمدوا يفشلوها و يمنعوا عليها الدعم و يخلوها بوحدها بميزانية صغيرة باش تصلح مدينة بحجم جهة و فوق ترابها كل ساكنة الجهة و  جماعاتها و أقاليمها و أنشطتها الإقتصادية…

ملاحظة…هذيك 14 مليار اللي خسرها ولد ينجا فين كان رئيس الجهة باش يبني بنايات اسمنتية للكلينيك الدولية، اراه اكبر من ميزانية بلدية الداخلة السنوية…ايوا تصوروا معايا اخي المواطن أختي المواطنة!!!

ايوا شبان ليكم…ايها المواطنين و الأغلبية الصامتة…كيفرشخو الملايير من اموالكم العمومية و يتصدقوا علي شي بعضين بالفتات و الصدقات و فالاخير يضربو بيكم الطر و يجو يطنزو عليكم باش تصوتوا عليهم و باش تستمر المأساة…هوما يطحنوا و يديرو لباس و انتوما تبقاو دائما طلابة رغم أن ميزانياتكم قادرة على ان توفر لكم حياة كريمة لو كان مجلس الجهة الذي سيره حزب الإستقلال الفاشل في مستوى إنتظارات الساكنة وأعطى لكل ذي حق حقه بلا عنصرية أو تصفية حسابات إنتخابية أو تقسيم الساكنة إلى عائدين و مواطنين من الدرجة الأولى و آخرين مهمشين..إلى كان ما ضيع أموال عرمرم على صفقات عبثية تعطات للمقاولين المحظوظين بحال بنسي و التاجر مود و آخرين..

ايوا فنظركم..واش هذو  مزال يستحقوا شي حد يعطيهم صوت ديالو!!!!

42206060 efdb 4349 a5c2 14d3e1526df892dc5cc1 aa44 4ea8 8960 9e11f3e8b454