فضيحة‖ بعض من انجازات رئيس الجهة "الوسيم"..أموال الشعب المحروم يستفيد منها السياح الاجانب

الداخلة بوست

م.عياش أدويهي/كود

أكدت مصادر من ساكنة مدينة الداخلة في إتصالات بـ”كود” أن الرحلة الرابطة بين مدينة الداخلة و الدار البيضاء والعكس لشهر أبريل و شهر ماي القادمين، محجوزة عن أخرها، ذهاباً و إياباً، من طرف سياح أوروبيين، إشتروا تذاكرهم عبر وكالات أسفار اوروبية.

و أضافت المصادر التي كانت تتحدث لـ”كود” كيفاش يُعقل الرحلة ديال لارم لي مخلصينها سكان الجهة من فلوسمهم عبر حصة بملايين الدراهم كيدفعها مجلس جهة الداخلة واد الذهب لشركة الخطوط الملكية المغربية كل سنة، من أجل تخفيض تذاكر السفر من و الى الداخلة نحو الدار البيضاء لتسهيل تنقلات المواطنين المغاربة، و كيستفاد من هاد التخفيض سياح اوروبيين، مزيان يجيو للجهة فإطار السياحة و الرياضات البحرية لإنعاش الحركة الإقتصادية للجهة ولو أنه ما كاين لا انعاش ولاهم يحزنون، و لكن راه إسبانيا مثلاً دايرا الدعم على الرحلات الداخلية بين جزر الكناري، ولكن راه حاطين شروط  بحيث لي يستفاد من هد التخفيض فقط المواطنين المقيمين بهذه الجزر ماش من هب ودب، يقول أحد المتصلين بـ” كود “.

واما الكارثة لي لا تقبل، راه كاين شي بلايص قلال جداُ لي كيبقاو فرحلات  شهر أبريل و ماي، ولكن لمشكل هو ان  واحد الموظف تابع لشركة لارام  فمطار الداخلة ولا كيتلاعب بالتذاكر لقليلة جداً لي باقية و كيبيعهم  للاولاد سيدها وباباها او للي يدفع أكثر ، تصوروا التذكرة ديال الدارالبيضاء ب  1000 درهم كتوصل فبعض الحالات حتى ل 1600درهم و إلى ما عجبك الحال سير شد الكار، والجهة لا تحرك ساكنا يقول مُتصل أخر بـ”كود”  يشتغل كمسيير رياضي بمدينة الداخلة.

الجهة خاصها توقف تعاونها مع “لارام” حقاش التذاكر بالف درهم كتهم سكان المدينة والمغاربة ماشي الاجانب. الاحانب خاصهم يخلصو الثمن كاملا. علاش هاد الداخلة طالعة غير للبراني شاد كلشي ومتحكم فكلشي وشي تافهين فالرباط ولاو كيحكمو فالداخلة. هاد الشي راه اللعب بالنار.